Historia di Arte di Palabra Boneiru
For di aña 2000 Boneiru a kuminsá partisipá na e kompetensia di Arte di palabra na Kòrsou.For di aña 2006, Boneiru ta organisando su propio kompetensia di Arte di Palabra. Esaki prome bou di gia di lidernan di Jeugdhuis Jong Bonaire manera Shaba Meijer, Lisandra Marchena, Senaida Janga, Juliette Clarenda. Desde 2016, e organisamentu di kompetensia na Boneiru a bai kai direktamente bou di departamentu di Gobiernu di Boneiru (SKAL).
For di e promé biaha ku Boneiru a partisipá na Kòrsou (2000), ta dediká tur aña atenshon na algun persona ku a destaká riba tereno di Papiamentu. Meta di esaki ta pa konsientisá e hóbennan ku nos mester siña di e grandinan ku a habri e kaminda.
For di aña 2002 e baluartenan ta risibí un Tapushi Literario. Esaki ta konsistí di un tapushi di maishi chikí den forma di un pèn.
Des di 2017 a disidi di elogia e baluarte aki for di na Boneiru, dor di honre ku e premio ‘Pipita di Komkomber’. Komo un manera di apresio, e baluarte lo risibi un plakat riba dia di kompetensia na Boneiru. I pa despues risibi e ‘Tapushi Literario’ durante kompetensia di ABC.
Dia 20 di febrüari 2025 tabata un dia históriko pa Arte di Palabra Boneiru. Despues di 20 aña ku sumo plaser por bisa ku Komishon Arte di Palabra a pasa pa Fundashon Arte di Palabra Boneiru (FAP). Na ofisina di Notaris Rispens den presensia di notaris Sr. Robin Rispens Fundashon Arte di Palabra Boneiru a firma nan statuto.
Fundashon Arte di Palabra Boneiru ta un realidat! Nos ta kla pa halsá i kuida nos idioma Papiamentu.
E siguiente personanan a risibí e premio Tapushi Literario na Kòrsou:
2002 – Bòi Antoin
2003 – Linda “tante Linda” Coffie-Frans
2004 – Uchi Regina-Frans
2005 – Veronica Mercera
Edishon 01 – 2006 – Gabriel Mercera
Edishon 02 – 2007 – Marco “Duduy” Marchena
Edishon 03 – 2008 – Cecilia Evertsz
Edishon 04 – 2009 – Carmo “Boeboei” Cicilia (Bon FM)
Edishon 05 – 2010 – Crispina “yùfrou Chèmi” Cicilia-Janga * – Benita Balentien-Janga +r.i.p.
Edishon 06 – 2011 – Hubert Vis
Edishon 07 – 2012 – Monica Clarinda
Edishon 08 – 2013 – Geraldine Dammers (Akademia di Papiamentu)
Edishon 09 – 2014 – Calixto Coffie
Edishon 10 – 2015 – Senaida Janga – Jeugdhuis Jong Bonaire
Edishon 11 – 2016 – Arthur Sealy
E siguiente personanan a risibí e premio Tapushi Literario na Korsou i Pipita di Komkomber na Boneiru:
Edishon 12 – 2017 – Rudy Domacasse
Edishon 13 – 2018 – Dennis Martinus (Bonaire Youth Outreach Foundation)
Edishon 14 – 2019 – Ubaldo Anthony
Edishon 15 – 2020 – Denise de Jongh-Rekwest ***
Edishon 16 – 2021 – Julia (Tica) Nicolaas
Edishon 17 – 2022 – Emma Sint Jago
Edishon 18 – 2023 – John Leoneta
Edishon 19 – 2024 – Magali Sumter
Edishon 20 – 2025 – Melvin (Shaba) Meyers
Na 2017 a kuminsa uza Lema durante e temporada di AdP, esaki tabata un “kick” nobo ora di dekora i drecha tshirt pa ku e kompetensia.
2017 – Pipita di komkomber na bok’i mucha, ta hende grandi a but’e.
2018 – Bon palabra ta yena bida ku kolo.
2019 – Loke ta na kurason ta na punt’i lenga.
Pa 2020 e Lema a bira e Tema di henter e kompetensia pa e aña ey.
2020 – Fiesta di Palabra.
2021 – Honor na nos Folklor.
2022 – Honor na den Seku.
2023 – Di aki mi ta, mi idioma ta mi kos!
2024 – Loke blenchi hasi ku su halanan, ta e so por.
2025 – Rekorda pasado, Selebra awe, Míra pa futuro.
