Mishon
E mishon di Arte di Palabra Boneiru ta pa stimulá uso di idioma materno Papiamentu for di grupo 8 te ku hóben di skol avansá. Ta hasi esaki na un manera kreativo pa asina nos hóbennan eksplorá i eksperensiá e kultura i amor pa literatura na Papiamentu. Nos hóbennan ta realisá esaki den diferente tipo di ekspreshon pero prinsipalmente pa medio di poesia i kuenta.
Vishon
Stimulá i forma hóbennan ehemplar pa Boneiru ku ta bira embahador di nos idioma Papiamentu dor di ta konsiente di uso di nos idioma. Tambe e embahador ta salbaguardiá nos idioma Papiamentu ku amor i rèspèt.
Arte di Palabra Boneiru ta inspirá i forma outor i aktor hóben pa sea amplia, promové i òf konservá nos literatura di Papiamentu.
